Á undanförnum árum hefur verið unnið markvisst að því af hálfu hins opinbera að auðvelda fólki að samræma starfsframa og fjölskyldulíf.
Ísland á og getur verið í fararbroddi í fjölskyldumálum og hér eru betri aðstæður til að ná slíkum markmiðum. Löggjafinn og sveitarfélögin hafa gert sitt til að ná fyrrnefndum markmiðum, en það er til lítils ef atvinnurekendur reyna að koma í veg fyrir að starfsmenn geti nýtt sér réttindi sín. Það var því mjög dapurlegt að fá þær fréttir að forstjóri KEA, sem er svo lánsamur að kona hans er ólétt af tvíburum, hafi neyðst til að segja starfi sínu lausu vegna þess að atvinnurekendur hans töldu það óheppilegt að hann nýtti sér fæðingarorlof sitt! Í kjölfarið komu fréttir af því að slíkt væri ekki einsdæmi á íslenskum vinnumarkaði. Ég trúi ekki öðru en að þeir vinnuveitendur sem haga sér með þessum hætti séu í miklum minnihluta. En því miður koma þeir óorði á þjóðina.
Guðlaugur Þór Þórðarson
Höfundur er alþingismaður og borgarfulltrúi Sjálfstæðisflokksins.
Leave A Comment
You must be logged in to post a comment.