Lögmannavaktin er ókeypis lögfræðiráðgjöf fyrir almenning.  Þjónustan er veitt alla þriðjudagseftirmiðdaga og íbúar höfuðborgarsvæðisins koma á skrifstofu félagsins en íbúar landsbyggðar geta hringt. Athugið að panta verður tíma á Lögmannavaktina, í síma 568 5620.

Ef það hentar ekki bendum við á lögfræðiaðstoð Orators.  Þar er hægt að koma á framfæri fyrirspurnum á netinu auk þess að fá ráðgjöf í síma. Sjá nánar á heimasíðunni: http://orator.is/logfraediadstod/

Um lögmannavakt LMFÍ: Lögmannavakt var komið á fót og hún skipulögð af Lögmannafélagi Íslands árið 1993.

Í upphafi var starfsemin í Reykjavík, Akureyri og Hafnarfirði en síðustu ár hefur vaktin eingöngu verið í Reykjavík.

Markmiðið með starfseminni er að mæta vaxandi þörf almennings fyrir upplýsingar um réttarstöðu sína í nútímaþjóðfélagi. Líta má á þessa starfsemi að nokkru leyti sem framlag lögmannastéttarinnar til skuldbindinga íslenska ríkisins samkvæmt alþjóðlegum sáttmálum, sbr. t.d. yfirlýsingu Sameinuðu þjóðanna um grundvallaratriði um hlutverk lögmanna (United Nations Basic Principles on the Role of Lawyers).

Erlendis má víða finna sambærileg fyrirbæri og Lögmannavaktin er. Hérlendis hafa ýmsir aðilar í langan tíma veitt almenningi ókeypis lögfræðiaðstoð, t.d. Mæðrastyrksnefnd. Í mörgum tilvikum er aðstoðin veitt vegna ákveðinna tengsla þess sem aðstoðina veitir og þess sem hennar leitar. Má hér t.d. nefna ýmis stéttarfélög. Þá hefur Félag laganema Orator, um árabil veitt almenningi ókeypis lögfræðiaðstoð með símaþjónustu.

Samkvæmt íslenskum lögum er opinber réttaraðstoð veitt við rekstur mála fyrir íslenskum dómstólum (gjafsóknarheimildir), að tilteknum skilyrðum uppfylltum. Krækja í reglugerð um réttarfar Dómsmálaráðuneyti.

Með lögmannavaktinni gefst almenningi nú kostur á að mæta á tilteknum stað og tíma og ræða vandamál sín og fá lögfræðilega ráðgjöf hjá starfandi lögmanni. Þeir sem búa úti á landi geta gefið upp símanúmer sem hringt er í á tilteknum tíma

sjá:

http://www.lmfi.is/logmenn-og-thjonusta/vantar-thig-logmann/logmannavaktin—okeypis-logfraediradgjof/

Deildu með öðrum ...Share on Facebook
Facebook
0Share on LinkedIn
Linkedin
Tweet about this on Twitter
Twitter
Pin on Pinterest
Pinterest
0Share on Reddit
Reddit
0