Formaður menntaráðs Reykjavíkurborgar hvetur karlmenn til að sýna ábyrgð á kvennafrídaginn. Ljóst er að margar konur muni hverfa frá störfum sem eru samfélaginu mikilvæg og hvetur hann karlmenn til að styðja kvennabaráttuna og taka ábyrgð á skólabörnum í leik- og grunnskólum þegar kvennafrí hefst.

„Það er hluti af jafnréttisbaráttu samfélagsins að karlmenn taki meiri ábyrgð á uppeldi og umönnun og við eigum að sýna styrk okkar í verki með því að gera sem flestum konum fært að leggja niður störf á kvennafrídaginn. Konur eru stærsti hluti vinnuafls í skólum og leikskólum og því verða karlmenn að koma að málum þegar þær leggja niður störf og sýna stuðning í verki,“ segir Stefán Jón Hafstein formaður menntaráðs Reykjavíkurborgar í tilkynningu til fjölmiðla.

Innlent | mbl.is | 19.10.2005 | 18:51

Sjá nánar: http://www.mbl.is/mm/frettir/innlent/frett.html?nid=1164369

Deildu með öðrum ...Share on Facebook
Facebook
0Share on LinkedIn
Linkedin
Tweet about this on Twitter
Twitter
Pin on Pinterest
Pinterest
0Share on Reddit
Reddit
0