Málþing Barnaheilla – Save the Children á Íslandi um börn sem búa við heimilisofbeldi verður fimmtudaginn 17. febrúar nk. á Hilton Reykjavík Nordica frá kl. 9-13.

Markmið málþingsins er að vekja umræður um mikilvægi þess að börnum sem búa við kynbundið ofbeldi á heimilum sínum sé gefin gaumur og þau fái nauðsynlegan stuðning og aðstoð.

Á málþinginu verða m.a. kynntar niðurstöður rannsóknar Barnaheilla –Save the Children á Íslandi um hvaða stuðningur er í boði fyrir börn í Reykjavík sem alast upp við kynbundið ofbeldi. Rannsóknin er styrkt af Daphne-áætlun Evrópusambandsins og er unnin í samvinnu við Barnaheill –Save the Children á Spáni og Ítalíu.

Dagskrá:

9:00 Helgi Ágústsson formaður Barnaheilla –Save the Children á Íslandi býður gesti velkomna.
9:15 Myndband frá nemendum í Austurbæjarskóla.
9:20 Anni Haugen, lektor við Félagsráðgjafardeild Háskóla Íslands: Það þarf kjark og fagmennsku til að horfast í augu við vonda hluti. Viðbrögð hins opinbera og félagasamtaka gagnvart börnum sem búa ofbeldi á heimilum
9:50 Myndband frá nemendum í Snælandsskóla
9:55 Guðrún Kristinsdóttir, prófessor á  Menntavísindasviði Háskóla: Börn verða vitni að ofbeldi heima
10:25 Kaffihlé
10:45 Myndband frá nemendum í Austurbæjarskóla
10:50 Örnólfur Thorlacius, verkefnastjóri Barnaheilla –Save the Children á Íslandi : Átta ára drengur óskar eftir íbúð. Niðurstöður rannsóknaverkefnis Barnaheilla- Save the Children á Íslandi.
11:35 Myndband frá nemendum í Snælandsskóla
11:40 Pallborðsumræður með þátttöku Braga Guðbrandssonar forstjóra Barnaverndarstofu, Einars Gylfa Jónssonar frá Körlum til ábyrgðar, Ellýjar Öldu Þorsteinsdóttur skrifstofustjóra velferðarsviðs Reykjavíkur, Halldóru Dröfn Gunnarsdóttur framkvæmdastjóra barnaverndar Reykjavíkur, Ragnars Þorsteinssonar fræðslustjóra Reykjavíkur, Ragnheiðar Óskar Erlendsdóttur sviðsstjóra Skólasviðs
Heilsugæslu höfðuborgarsvæðisins og  Sigþrúðar Guðmundsdóttur fræðslu- og framkvæmdastýru Kvennaathvarfs
12:45 Málþingsslit

Fundarstjóri er Petrína Ásgeirsdóttir, framkvæmdastjóri Barnaheilla –Save the Children á Íslandi.

Málþingið á erindi til allra er vinna með börnum. Vinsamlegast áframsendu þetta boð á þá er málið varðar.

Þátttaka tilkynnist með því að senda tölvupóst á barnaheill@barnaheill.is fyrir fimmtudaginn 10. febrúar.

Upplýsingar á heimasíðu Barnaheilla.

Deildu með öðrum ...Share on Facebook
Facebook
0Share on LinkedIn
Linkedin
Tweet about this on Twitter
Twitter
Pin on Pinterest
Pinterest
0Share on Reddit
Reddit
0